Asociación Forestal de Galicia          

 

Noticia seleccionada

Axudas para prevención de incendios en montes veciñais


27 de decembro de 2016

A Consellería do Medio Rural abre o prazo para solicitar as axudas de prevención de incendios en montes veciñais en man común e Sofor.

Estas axudas financiarán dúas liñas de actuación:
a) Liña I. Subvencións para o control selectivo de combustible.
b) Liña II. Subvencións para a construción de puntos de auga.

Poderán ser beneficiarios destas subvencións os titulares de montes veciñais en man común, as súas agrupacións e mancomunidades, e as Sofor.

Os traballos subvencionados localizaranse en zonas de alto ou medio risco de incendios.

Non poderán solicitar estas axudas os montes veciñais en man común que estean consorciados coa Administración, salvo que solicitasen a rescisión ou transformación do dito consorcio. No caso de montes veciñais en man común consorciados coa Xunta de Galicia, poderá solicitarse subvención naquela superficie non consorciada.

A porcentaxe que se subvenciona será do 100% de acordo co financiamento máximo establecido para cada traballo na Orde.

A superficie forestal mínima por expediente en comunidades de montes veciñais en man común será de cen hectáreas (100 ha).

Para acadar esta superficie, as CMVMC poderán agruparse sempre e cando estean na mesma provincia e no mesmo concello, ou en concellos limítrofes (dentro da mesma provincia) sempre que sexan estremeiras.

O prazo de solicitude remata o 15 de febreiro de 2017.




Direccións web relacionadas:



Búsqueda de noticias
Búsqueda no arquivo de noticias:
































Asociación Forestal de Galicia. Rúa do Vilar, nº 33, 1º. 15705 Santiago de Compostela. C-electrónico: asforgal@iies.es